ખીંટીં ઉપર ખુદની ઇચ્છા -શોભિત દેસાઇ નવેમ્બર 26, 2006
Posted by ઊર્મિ in ઊર્મિની પસંદ, કાવ્યો/ગઝલો.trackback
(કિરિટભાઇ ભક્તનો આભાર આ કાવ્ય મોકલવા બદલ.)
ખુલ્લી આંખે સપના જેવું લાગે છે !
એક છોકરી કેવું અદ્દભુત જાગે છે !!
બર્ફીલી ચાદર હમણાં જ પથરાઇ છે જળની લહેરો પર,
એક શાશ્વત સ્પર્શનું ગીત રજૂ થાવા તત્પર છે અધરો પર,
આંખો દ્રારા અપેક્ષાઓને તાગે છે !
એક છોકરી કેવું અદ્દભુત જાગે છે !!
પુરુષત્વમાં ઓગાળવાની ક્ષણ પર ખુદને જ્યારે લાવે છે,
ત્યારે ચોર્યાસી લાખ જનમથી પર એ મને બનાવે છે,
ખીંટી ઉપર ખુદની ઇચ્છા ટાંગે છે !
એક છોકરી કેવું અદ્દભુત જાગે છે !!
* * *
સહિયારું સર્જન પર ‘એક છોકરી’ વિશે કંઇક લખવાનું આપ સૌને આમંત્રણ…
[…] (આખું કાવ્ય વાંચો… ઊર્મિનો સાગર પર…) […]
સુંદર ગીત…
પુરુષત્વમાં ઓગાળવાની ક્ષણ પર ખુદને જ્યારે લાવે છે,
ત્યારે ચોર્યાસી લાખ જનમથી પર એ મને બનાવે છે.
બહુ સરસ વાત !
ઉર્મિ,
આભાર શાનો ?
આ રચના અને એનો રચયિતા ફક્ત ગુજરાતી ભાષાના જ ઓશિયાળા છે.
કદાચ ,આપણામાં ઘણાંને ભાષાનું આ માન ગમતું નથી.