શું વળે? -શિવજી રૂખડા મે 23, 2007
Posted by ઊર્મિ in ઊર્મિની પસંદ, ગઝલ.trackback
વાત બીજે વાળવાથી શું વળે?
ને હકીકત ખાળવાથી શું વળે?
આપણે તો આપણે, બસ આપણે,
જાત બીંબે ઢાળવાથી શું વળે?
ફક્ત કિરણ એક ઝીલી ના શક્યા,
સૂર્ય આખો ચાળવાથી શું વળે?
દોસ્ત, ઇચ્છાવન બહુ ઘેઘૂર છે,
ડાળખી ફંગોળવાથી શું વળે?
આપણો વિસ્તાર છે ફળિયા લગી,
ગામને ઢંઢોળવાથી શું વળે?
આંખ છે ખુલ્લી અને ઝોલે ચડ્યા,
દીપ ઝળહળ બાળવાથી શું વળે?
* * *
જિવન છે અણમોલ સખી કિરતારની ક્રુપા ઘણી
હસતાંકે રડતા જીવવું ફરિયાદ કરવાથી શું વળે
આખી ગઝલ જ અદભૂત છે…. બધા જ શેર સ્પર્શી જાય એવા છે.
આપણે તો આપણે, બસ આપણે,
જાત બીંબે ઢાળવાથી શું વળે?
દોસ્ત, ઇચ્છાવન બહુ ઘેઘૂર છે,
ડાળખી ફંગોળવાથી શું વળે?
ખરેખર સરસ છે…
દોસ્ત, ઇચ્છાવન બહુ ઘેઘૂર છે,
ડાળખી ફંગોળવાથી શું વળે?
આ શેર વાંચીને એક ઉર્દુ શેર યાદ આવ્યો..
सोच कर आओ, कू-ए-तमन्ना है ये,
जान-ए-मन जो यहां रहे गया रहे गया…
ખુબ સુંદર ગઝલ…
ati sundar…………
its realy wonderful RACHANA
Saras gazal chhe aa.
ટાળવાથી વાત ટળી જશે,સમય નહીં,
તું, તારું આવવું ટળી જશે, પ્રણય નહીં,
તોય તને હું ટાળી નહીં શકું,કસમથી,,
તું જ છે નજરો સામે, બીજું દશ્ય નહીં,,,,,