અલ્લા બેલી –શૂન્ય પાલનપુરી માર્ચ 30, 2007
Posted by ઊર્મિ in ઊર્મિની પસંદ, કાવ્યો/ગઝલો.trackback
સાત સમંદર તરવા ચાલી, જ્યારે કોઇ નાવ અકેલી,
ઝંઝા બોલી ‘ખમ્મા ખમ્મા’! હિંમત બોલી ‘અલ્લા બેલી’!
નાવ ઊતારુ હો કે માલમ, સૌને માથે ભમતું જોખમ,
કાંઠા પણ દ્રોહી થઇ બેઠા, મઝધારે પણ માઝા મેલી.
એવાં છે પણ પ્રેમી અધુરા, વાતોમાં જે સુરાપુરા,
શિર દેવામાં આનાકાની, દિલ દેવાની તાલાવેલી.
કોનો સાથ જીવનમાં સારો ‘શૂન્ય’ તમે પોતે જ વિચારો,
મહેનત પાછળ બે બે બાહુ, કિસ્મત પાછળ માત્ર હથેલી!
આપખુદીનું શાસન ડોલ્યું, પાખંડીનું આસન ડોલ્યું,
“હાશ” કહી ઈશ્વર હરખાયો, ‘શૂન્યે’ જ્યાં લીલા સંકેલી.
* * *
*
વાહ ઊર્મિ! સુંદર કાવ્ય શોધી લાવી!
કોનો સાથ જીવનમાં સારો ‘શૂન્ય’ તમે પોતે જ વિચારો,
મહેનત પાછળ બે બે બાહુ, કિસ્મત પાછળ માત્ર હથેલી!
એવાં છે પણ પ્રેમી અધુરા, વાતોમાં જે સુરાપુરા,
શિર દેવામાં આનાકાની, દિલ દેવાની તાલાવેલી.
..its true..!
સરસ ગઝલ છે
એવાં છે પણ પ્રેમી અધુરા, વાતોમાં જે સુરાપુરા,
શિર દેવામાં આનાકાની, દિલ દેવાની તાલાવેલી.
કોનો સાથ જીવનમાં સારો ‘શૂન્ય’ તમે પોતે જ વિચારો,
મહેનત પાછળ બે બે બાહુ, કિસ્મત પાછળ માત્ર હથેલી!
Alikhan Baloch…..”Suny”….exellent……..ane palanpur to gujarati gazalno smrudhdha pardesh………
મહેનત પાછળ બબ્બે બાહુ, કિસ્મત પાછળ માત્ર હથેલી!
-સાચી વાત…
સાત સમંદર તરવા ચાલી, જ્યારે કોઇ નાવ અકેલી,
ઝંઝા બોલી ‘ખમ્મા ખમ્મા’! હિંમત બોલી ‘અલ્લા બેલી’!
Dundar !
જીવન-નૈયા નગરથી નિકળી,
નદીએ એ ન્હાવા નિકળી,
કોણ જાણે કેવા શુકન લઈ નિકળી!!
નિજ ઘેર આવવા,એ પાછી નવ નિકળી..
કોનો સાથ જીવનમાં સારો ‘શૂન્ય’ તમે પોતે જ વિચારો,
મહેનત પાછળ બે બે બાહુ, કિસ્મત પાછળ માત્ર હથેલી !
પુરુષાર્થ અને પ્રારબ્ધની વાત સચોટ રીતે મૂકી તો ખરી પણ પ્રથમ પંક્તિમાં સવાલ પૂછીને મૂંઝવણમાંય મૂકી દીધા ! ( કરુણતાય કેવી છે કે એ ‘માત્ર’ પણ ઘણાને તો ‘મંત્ર’ રૂપ હોય છે !)
કવિકર્મ ! ( આજની પરિભાષામાં કવિગીરી !)
ઉમ્મર ખય્યામ નો એક શેર જેનો અનુવાદ શૂન્ય પાલનપૂરી એ કર્યો છે
બાવરા થઈ ને કદી દર દર ન ભમવું જોઈએ
ભાગ્ય સારૂં હો કે નરસું મનને ગમવું જોઈએ
વ્યોમની ચોપાટ છે ને સોગઠાં પુરુષાર્થના
જેમ પડતા જાય પાસા એમ રમવું જોઈએ