કારોબાર રાખ્યો તેં - મનોજ ખંડેરિયા June 4, 2007
Posted by ઊર્મિસાગર in ઊર્મિની પસંદ, ગઝલ.trackback
(મને અદ્ધર રાખ્યો તેં….. Lake George, NY- 8/23/’05)
હાથમાં કારોબાર રાખ્યો તેં,
ને મને બારોબાર રાખ્યો તેં.
એક ડગ છૂટથી ભરી ન શકું,
ખીણની ધારોધાર રાખ્યો તેં.
કોણ છું કોઇ દિ’ કળી ન શકું,
ભેદ પણ ભારોભાર રાખ્યો તેં.
આંખમાં દઇ નિરાંતનું સપનું,
દોડતો મારોમાર રાખ્યો તેં.
શ્વાસ સાથે જ ઉચ્છવાસ દીધા,
મોતની હારોહાર રાખ્યો તેં.
* * *
*
ખૂબજ સુંદર ગઝલ…
મીટરનું ટપી જવું ય ગૌણ બની જાય છે.
એકેએક શેર પોતાનામાં એક આખી ગઝલ સમાન …. ખુબ જ સુંદર… મનોજ સાહેબની વધુ એક ઉત્કૃષ્ટ રચનાનો આસ્વાદ કરાવવા બદલ ખુબ ખુબ આભાર..
આંખમાં દઇ નિરાંતનું સપનું,
દોડતો મારોમાર રાખ્યો તેં.
મનોજભાઈની એક સુંદર રચના…
—————
અદભૂત રચના… બધા જ શેર સુંદર છે…
હાથમાં કારોબાર રાખ્યો તેં,
ને મને બારોબાર રાખ્યો તેં.
એક ડગ છૂટથી ભરી ન શકું,
ખીણની ધારોધાર રાખ્યો તેં.
શ્વાસ સાથે જ ઉચ્છવાસ દીધા,
મોતની હારોહાર રાખ્યો તેં.
- આ વધુ ગમી ગયા…
શ્વાસ સાથે જ ઉચ્છવાસ દીધા,
મોતની હારોહાર રાખ્યો તેં…..
મનોજ ખંડેરીયાની સુંદર સંવેદનશીલ ગઝલ્. …
૨૦૦૪માં ભારતની મુલાકાત વખતે જુનાગઢની પણ મૂલાકાત સાથે સ્વ.મનોજ ખંડેરીયાના ઘેર જવાનો મોકો મળેલ તેમના પત્ની પૂનમબેન ને મળવાની તક મળી.. મનોજભાઈના ઘણાંજ સ્મરણૉની વાત થઈ ત્યારે આ દીલ ભરાઈ આવેલ્..કેમ ભુલી શકાય એ મહાન ગઝલકારને!!ઊર્મિ, આ ગઝલ અહીં બ્લોગ પર મૂકવા બદલ આભાર્.
exellent gazal of manoj khanderia…thanx urmiben darek sher manne jachi gayo
ખુબ સરસ ગઝલ, અને સુંદર ફોટો પણ.
ખુબ સરસ ગઝલ
maro blog ma pan sari avi gazal che
see that
http://gujaratigazal.wordpress.com
જીવતરમાં સત્તા ઘણી સોંપી હાથમાં
જીવન મૃત્યુનો કારોબાર રાખ્યો તેં