કારોબાર રાખ્યો તેં - મનોજ ખંડેરિયા June 4, 2007
Posted by ઊર્મિસાગર in ઊર્મિની પસંદ, ગઝલ.9 comments
(મને અદ્ધર રાખ્યો તેં….. Lake George, NY- 8/23/’05)
હાથમાં કારોબાર રાખ્યો તેં,
ને મને બારોબાર રાખ્યો તેં.
એક ડગ છૂટથી ભરી ન શકું,
ખીણની ધારોધાર રાખ્યો તેં.
કોણ છું કોઇ દિ’ કળી ન શકું,
ભેદ પણ ભારોભાર રાખ્યો તેં.
આંખમાં દઇ નિરાંતનું સપનું,
દોડતો મારોમાર રાખ્યો તેં.
શ્વાસ સાથે જ ઉચ્છવાસ દીધા,
મોતની હારોહાર રાખ્યો તેં.
* * *
*
