મજબૂર -પ્રફુલ્લ દવે May 3, 2007
Posted by ઊર્મિ in ઊર્મિની પસંદ, કાવ્યો/ગઝલો.trackback
(બાજુમાં જ અંધકાર છે… Lake George, NY - August 22, 2005)
કોઈ મારા પર સવાર છે, દોડી રહ્યો છું હું,
ચાબૂક છે, પ્રહાર છે, દોડી રહ્યો છું હું.
સીમા બીજાની છે, અને દિશા બીજાની છે,
હર ઈચ્છા નિરાધાર છે, દોડી રહ્યો છું હું.
પાંખો નથી, પગોથી આ પથ કાપવો કઠિન,
લાંબો અતિ વિસ્તાર છે, દોડી રહ્યો છું હું.
આંખો પરે છે ડાબલાં, સીધો પ્રકાશ છે,
બાજુમાં અંધકાર છે, દોડી રહ્યો છું હું.
અંદરથી કોઈ ઊંચકે માથું સતત ભલે,
આ ક્ષણ અતિ લાચાર છે, દોડી રહ્યો છું હું.
* * *
*
સુંદર ગઝલ…
તમારા ફોટોગ્રાફ્સ પણ સુંદર છે… શોભામાં અભિવૃદ્ધિ !
[...] રચનાઓ - 1 - : - 2 - : - 3 - : - 4 - : - 5 - : - 6 - [...]
મન હોય કે ન હોય આ સઁસારે
જિવનની વાટ પર દોડી રહ્યો છુઁ હુઁ
જીવનપથ પર ચાલતાં ચાલતાં ઘણી વખત આવી મજબૂરીનો અનુભવ થાય છે ત્યારે ‘દોડી રહ્યો છું’ નો ભાવ નવી ક્ષિતિજો તૈયાર કરે છે, આગળ વધવાંનું માર્ગદર્શન આપે છે.