તારી ને મારી જ ચર્ચા -ખલીલ ધનતેજવી March 20, 2007
Posted by ઊર્મિસાગર in ઊર્મિની પસંદ, કાવ્યો/ગઝલો.trackback
તારી ને મારી જ ચર્ચા આપણી વચ્ચે હતી,
તોય એમાં આખી દુનિયા આપણી વચ્ચે હતી!
આપણે એકાંતમાં ક્યારેય ભેગા ક્યાં થયાં ?
તોય જોને કેવી અફવા આપણી વચ્ચે હતી!
આપણે એક સાથે શ્વાસોશ્વાસ જીવ્યાં તે છતાં,
એકબીજાની પ્રતીક્ષા આપણી વચ્ચે હતી!
કોઈ બીજાને કશું ક્યાં બોલવા જેવું હતું ?
આપણી પોતાની સત્તા આપણી વચ્ચે હતી!
આપણે તો પ્રેમનાં અરમાન પુરવાના હતા,
કાં અજુગતી કોઈ ઈચ્છા આપણી વચ્ચે હતી!
આપણે તો સાવ ઝાકળમાં પલળવાનું હતું,
ક્યાં સમન્દરની તમન્ના આપણી વચ્ચે હતી!
યાદ કર એ પુણ્યશાળી પાપની એકેક ક્ષણ
કેવી લીલીછમ અવસ્થા આપણી વચ્ચે હતી!
એક ક્ષણ આપી ગઈ વનવાસ સદીઓનો ખલીલ !
એક ક્ષણ માટે જ મંથરા આપણી વચ્ચે હતી!
* * *
કોઈ એક શેર વિષે કેમ કહેવું કે આ સારો છે!!! શું અભિવ્યક્તિ છે!!! શબ્દો પાસે થી શું કામ લીધું છે!!! nice,.
યાદ કર એ પુણ્યશાળી પાપની એકેક ક્ષણ
કેવી લીલીછમ અવસ્થા આપણી વચ્ચે હતી!
એક ક્ષણ આપી ગઈ વનવાસ સદીઓનો ખલીલ !
એક ક્ષણ માટે જ મંથરા આપણી વચ્ચે હતી!
-મનભાવન ગઝલ…
એક ક્ષણ આપી ગઈ વનવાસ સદીઓનો ખલીલ
એજ ક્ષણ માટે જ મંથરા આપણી વચ્ચે હતી
wonderful
EXCELLENT……!!
જોને આપણે બંન્ને ને વાત કરવી છે
પણ દિવસ રાતની ક્ષણો વચ્ચે હતી.
એક ક્ષણ આપી ગઈ વનવાસ સદીઓનો ખલીલ !
એક ક્ષણ માટે જ મંથરા આપણી વચ્ચે હતી!
* * *સુંદર !!
યાદ કર એ પુણ્યશાળી પાપની એકેક ક્ષણ
કેવી લીલીછમ અવસ્થા આપણી વચ્ચે હતી!
- બહુ સરસ વાત !
nice..excellent…
ખલીલ ની નવી જ ગઝલ વાંચવા મળી. આભાર
તેમને સાભળવાનો લ્હાવો મળ્યો હતો - અમદાવાદમાં - 26, જાન્યુઆરી - 2003ના દિવસે. બુલંદ ઊંચાઇ અને બુલંદ અવાજ અને સાવ કંઠસ્થ રજુઆત.
A GAZAL MANAHR UDHASJI NA SWAR MA SAMBHLVANI PAN MAZA PADE CHHE
એક ક્ષણમાં અંતર પડી ગયા ભવભવના
ઈશ્વરની ઈચ્છા આપણી વચ્ચે હતી
અત્યંત નાજુક સંબંધોની
અત્યંત બળુકી રચના !
ઝાકળ જેવા વ્યવહારોને
ધગધગતા પાત્રમાં ઝીલીને
દર્શાવતી રચના !
ઝાડને ઊખેડી શકતી સૂંઢની તાકાત
જમીન પર પડેલો સિક્કોય ઉપાડી લે
એવી શબ્દો (ભાષા)ની
તાકાત ને નજાકતનું
પ્રાકટ્ય.
કવિકર્મ !!