તારી ખુદાઇ દુર નથી -નાઝીર દખૈયા December 19, 2006
Posted by ઊર્મિ in ઊર્મિની પસંદ, કાવ્યો/ગઝલો.trackback
હું હાથને મારા ફેલાવું, તો તારી ખુદાઇ દુર નથી,
હું માંગુ ને તું આપી દે, એ વાત મને મંજુર નથી.
શા હાલ થયા છે પ્રેમીના, કહેવાની કશી ય જરૂર નથી,
આ હાલ તમારા કહી દેશે, કાં સેંથીમાં સિંદુર નથી?
આ આંખ ઉધાડી હોય છતાં, પામે જ નહીં દર્શન તારા,
એ હોય ન હોય બરાબર છે, બેનુર છે એમાં નુર નથી.
જે દિલમાં દયાને સ્થાન નથી, ત્યાં વાત ન કર દિલ ખોલીને,
એ પાણી વિનાના સાગરની, ‘નાઝીર’ને કશી ય જરૂર નથી.
* * *
આ ગઝલની પ્રથમ બે પંક્તિઓ મને હ્રદયસ્થ છે… અને એજ પંક્તિઓની પ્રેરણાથી એક વખત એક કવિતા લખાઇ ગઇ હતી… હું તો ન માંગુ! ઘણા વખતથી હું આખી ગઝલ શોધતી હતી…કાલે અચાનક સાંભળવામાં આવી તો લખી દીધી… મિત્રો, લખાણમાં ભૂલચૂક હોય તો જરૂર જણાવશો.
ખુબ સરસ ઉર્મિબેન……આ સુઁદર ગઝલ છે નાઝિર દખૈયા ની he is from bhavnagar …………aur uaki gazal mai sufi andaj kabile tarif hota hai ji……….thanx……….
માણસ વચ્ચે માણસ થઈ પંકાઈ ગયેલો માણસ છું .
વહેચણ વચ્ચે વહેચણ થઈ વહેચાઈ ગયેલો માણસ છું.
એ જ અમારું યૌવન છે ભીનાશ તમારા આંગણની,
વાદળની ઝરમર થઈ પથરાઈ ગયેલો માણસ છું.
દર્દોને રાહત છે તો ઉપચાર જરુરી કોઈ નથી,
દુનિયાના ઝખમો જીરવી રુઝાઈ ગયેલો માણસ છું.
યત્ન કરો જો મનાવવાના તરત જ માની જઉં
અમથો અમથો આદતવશ રીસાઈ ગયેલો માણસ છું.
“નાઝીર” એવો માણસ છું જે કેમે કરી વિસરાય નહીં
જાતને થોડી ખર્ચીને ખર્ચાઈ ગયેલો માણસ છું.
નાઝીર દખૈયા,ભાવનગર
Dear urmi…Very nice ghazal.. I was looking for it since long time..
Thanks…
As far as I remember, its from Nazir
જે દિલમાં દયાને સ્થાન નથી, ત્યાં વાત ન કર દિલ ખોલીને
બહુ સુંદર વાત !!!
હું હાથને મારા ફેલાવું, તો તારી ખુદાઇ દુર નથી,
હું માંગુ ને તું આપી દે, એ વાત મને મંજુર નથી……
વાહ! આ ખુમારીની વાત છે. આ વાત પરથી બેફામનો એક શેર યાદ આવ્યો જે હાથ ન લંબાવવાની જ વાત કરે છે પણ કારણ જુદુ છે.
ફક્ત એથી જ કોઇની મદદ માંગી નથી શકતો,
શરમથી હાથ લંબાવું અને એ બેશરમ નીકળે.
બેફામની આ ગઝલ પણ તમારા જ બ્લોગ પર વાંચી હતી.
Vah Urmiben….!!!
Very Nice Gazal… I already have this one…
Very Nice……
its wondarrfull hu saram thi haath lambavu ne ae be sharam nikle waaahhhh!!!!!!!!
પ્રકૃતિ નથી
હાથ ફેલાઉ
મંજુર નથી તારી
ખુદાઈ મને
માગું ને આપ
આવું જ કાંઈ કહેવું છે ને???????????
[...] હું હાથને મારા ફેલાવું, તો તારી ખુદાઇ … [...]
dear,urmiji tamari gajal vachi bas mara dil ma je vantol chaleto hato teno javab mali gayo. thanks