હું ઊર્મિની એક કઠપૂતળી December 12, 2006
Posted by ઊર્મિ in ઊર્મિનો કલરવ, કાવ્યો/ગઝલો.trackback
હું ઊર્મિની એક કઠપૂતળી, તું મને નચાવતો નટ,
તારા કરમાં હો મુજ દોર ભલે, પણ પડતો મારો જ વટ!
હું ઊર્મિની એક કઠપૂતળી…
શા હાલ થશે મુજ હૈયાનાં કદી આવશે તું જો નિકટ?
જ્યાં નામ જ તારું સાંભળી મારી ઊર્મિ બને નટખટ!
હું ઊર્મિની એક કઠપૂતળી…
જનમ જનમની કોને ખબર? લે, હાથ પકડ ઝટપટ,
ઓ અલગારી પ્રીતની તારે, શેં કરવી નથી ખટપટ?
હું ઊર્મિની એક કઠપૂતળી…
જો, ’રે છે સદા ભરતી અહીંયા, મુજ ઊર્મિસાગર તટ,
આ ઊરસાગરનો નૃપ થઇને ય તું રહેતો કોરોકટ!
હું ઊર્મિની એક કઠપૂતળી…
* * *
ઊર્મિસાગર
*
સરસ અભિવ્યક્તિ…
અભિનંદન…
હું ઊર્મિની એક કઠપૂતળી, તું મને નચાવતો નટ,
તારા કરમાં હો મુજ દોર ભલે, પણ પડતો મારો જ વટ!
ના સ્થાને ….
હું ઊર્મિની કઠપૂતળી, તું મને નચાવતો નટ,
તુજ કર હો મુજ દોર ભલે, પણ પડે જ મારો વટ.
અને
જન્મોજનમની કોને ખબર? લે, હાથ પકડ ઝટપટ,
ને સ્થાને …
જનમ જનમની ખબર નથી, લે, હાથ પકડ ઝટપટ,
વધારે લયમાં નથી લાગતું ?
બહુ જ સરસ ભાવ છે. એ તો કોરોક્ટ જ … ગીતાના સ્થિત પ્રજ્ઞ જેવો રહે છે!!!
મઝાનું ગીત !
હું ઊર્મિની એક કઠપૂતળી, તું મને નચાવતો નટ,
તારા કરમાં હો મુજ દોર ભલે, પણ પડતો મારો જ વટ!
હું ઊર્મિની એક કઠપૂતળી…
Mazaa aavi hon urmi….
Keep it up..!!
પ્રભુ અને માનવનાં સંબંધને દર્શાવતી આ સુંદર રચના છે.
જો, ’રે છે સદા ભરતી અહીંયા, મુજ ઊર્મિસાગર તટ,
આ ઊરસાગરનો નૃપ થઇને ય તું રહેતો કોરોકટ!
હું ઊર્મિની એક કઠપૂતળી…
બહુ જ સરસ ભાવ છે.
સુંદર ગીત…
હું ઊર્મિની એક કઠપૂતળી, તું મને નચાવતો નટ,
તારા કરમાં હો મુજ દોર ભલે, પણ પડતો મારો જ વટ!
અને
જનમ જનમની કોને ખબર? લે, હાથ પકડ ઝટપટ,
આ બે પંક્તિઓ ખૂબ જંચી ગઈ… ગીતમાં દરેક અંતરામાં અંત્યાનુપ્રાસ હોવા જરૂરી નથી. એટલે એ મોહ જો છોડી શકાયો હોત તો શબ્દોની પસંદગી વધુ વિશાળ ફલક પર કરી શકાઈ હોત અને ગીત હજી વધુ આસ્વાદ્ય બન્યું હોત…